O martes 20 de agosto estivemos de novo no concello de Ponteceso. Xa estivéramos en xullo en Corme e dada a boa acollida das persoas participantes e as facilidades que nos deron desde o concello, voltamos!

Nesta sesión as nosas participantes estiveron interesadas en coñecer que era e como se manexaba o asistente virtual Alexa. Probamos a mellorar a técnica de falar con ela pedíndolle que nos contese un conto, ou mesmo que nos dera información sobre Ponteceso.

O manexo do correo electrónico tamén foi unha das actividades máis demandadas na xornada. Aprender a achegar arquivos (documentos, fotos…) ao correo e detectar posibles correos fraudulentos levounos boa parte da mañá!