Desde que Cruz Vermella arrincou o circuíto Enredando en setembro de 2021, son xa moitos os quilómetros de acompañamento e apoio dixital que realizamos. Ata setembro de 2023 percorremos 58 localidades galegas, acudindo principalmente a concellos con menos de 5.000 habitantes. Nos circuítos realizados ata o momento, ofrecemos obradoiros personalizados segundo os intereses, motivacións e dificultades das persoas usuarias que nos acompañaron. Algunhas veces, as persoas participantes achegáronse ao noso espazo dixital para coñecer que tipos de dispositivos dixitais existen e que se pode facer con eles. Outras, necesitaban consultarnos algunha dúbida ou mellorar en concreto unha capacidade dixital… chegar a todas e cada unha das persoas que nos contactaron mediante a aula móbil, é unha das maneiras que ten Cruz Vermella para contribuír a que as persoas consigan a autonomía dixital.