Este tour R 2022 chegou hoxe ao seu fin na Estrada. Percorremos 6 localidades de Galicia, nas provincias de Lugo e Pontevedra para, dunha forma lúdica e apoiados polas persoas voluntarias de Cruz Vermella, as persoas maiores se “enreden” no uso das novas tecnoloxías e o mundo dixital.

Esta iniciativa, que conta co respaldo da Consellería de Política Social e a colaboración da operadora galega R, ofrece obradoiros de formación dixital co obxectivo de reducir a fenda dixital no colectivo de persoas con 65 e máis anos.